દારિદ્રય દહન શિવસ્તોત્રં

દારિદ્રય દહન શિવસ્તોત્રં
વિશ્વેશ્વરાય નરકાર્ણવ તારણાય કણામૃતાય શશિશેખરધારણાય |
કર્પૂરકાન્તિધવલાય જટાધરાય દારિદ્રય દુઃખદહનાય નમઃ શિવાય || ૧||
ગૌરીપ્રિયાય રજનીશકલાધરાય કાલાન્તકાય ભુજગાધિપકઙ્કણાય |
ગંગાધરાય ગજરાજવિમર્દનાય દારિદ્રય દુઃખદહનાય નમઃ શિવાય || ૨||
ભક્તિપ્રિયાય ભવરોગભયાપહાય ઉગ્રાય દુર્ગભવસાગરતારણાય |
જ્યોતિર્મયાય ગુણનામસુનૃત્યકાય દારિદ્રય દુઃખદહનાય નમઃ શિવાય || ૩||
ચર્મમ્બરાય શવભસ્મવિલેપનાય ભાલેક્ષણાય મણિકુણ્ડલમણ્ડિતાય |
મંઝીરપાદયુગલાય જટાધરાય દારિદ્રય દુઃખદહનાય નમઃ શિવાય || ૪||
પઞ્ચાનનાય ફણિરાજવિભૂષણાય હેમાંશુકાય ભુવનત્રયમણ્ડિતાય |
આનન્દભૂમિવરદાય તમોમયાય દારિદ્રય દુઃખદહનાય નમઃ શિવાય || ૫||
ભાનુપ્રિયાય ભવસાગરતારણાય કાલાન્તકાય કમલાસનપૂજિતાય |
નેત્રત્રયાય શુભલક્ષણ લક્ષિતાય દારિદ્રય દુઃખદહનાય નમઃ શિવાય || ૬||
રામપ્રિયાય રઘુનાથવરપ્રદાય નાગપ્રિયાય નરકાર્ણવતારણાય |
પુણ્યેષુ પુણ્યભરિતાય સુરાર્ચિતાય દારિદ્રય દુઃખદહનાય નમઃ શિવાય || ૭||
મુક્તેશ્વરાય ફલદાય ગણેશ્વરાય ગીતપ્રિયાય વૃષભેશ્વરવાહનાય |
માતઙ્ગચર્મવસનાય મહેશ્વરાય દારિદ્રય દુઃખદહનાય નમઃ શિવાય || ૮||
વસિષ્ઠેન કૃતં સ્તોત્રં સર્વરોગનિવારણં |
સર્વસંપત્કરં શીઘ્રં પુત્રપૌત્રાદિવર્ધનમ્ |
ત્રિસંધ્યં યઃ પઠેન્નિત્યં સ હિ સ્વર્ગમવાપ્નુયાત્ || ૯||
|| ઇતિ શ્રીવસિષ્ઠવિરચિતં દારિદ્રયદહનશિવસ્તોત્રં સમ્પૂર્ણમ્ ||